Allt hefur sinn tíma

Allt hefur sinn tíma ekki satt og líka að skrifa bloggið ég hef ekki gefið mér nægan tíma til að blogga. Ég fæ grænar þegar ég les bloggið hjá mér þegar ég sé innsláttar og stafsetningarvillurnar ég held að ég verði að taka mig á eða bara að hætta að blogga.

Þegar ég las bloggið hjá henni Immu fékk ég smá minnimáttarkennd því mín skrif eru nú ekki svona ígrunduð og flott, ég hvet ykkur til að skoða síðuna hjá henni hér.

Ég hef fengið viðbrögð frá fólki varðandi hendingarnar sem ég hef birt, mér skilst að sumir fái kjánahroll á að lesa þetta.  Það var nú ekki tilgangurinn að gera neinum neitt með þessu og ekki hef ég sagst vera ljóðskáld eða þannig en með þessu næ ég að böggla frá mér mínum hugsunum.  Ég vona enn og aftur að þetta gleðji einhvern hvort sem það er af innihaldinu eða klaufalegri framsetningu.

 

Nú er föstudagur og ég hef lofað léttu gríni á föstudögum, þennan fékk ég frá henni Siggu sem vinnur með mér.

Bakaðar baunir
Dag einn hitti ég yndislegan herramann og við urðum ástfangin.

Þegar það varð ljóst að við myndum giftast ákvað ég að fórna því sem ég
hafði mikið dálæti á. Ég hætti að borða bakaðar baunir.

Einhverjum mánuðum seinna, á afmælisdaginn minn, og ég var að fara heim frá
vinnu, bilaði bíllinn minn.
Þar sem ég bjó út í sveit hringdi ég í manninn minn og sagði honum að ég
kæmi seint þar sem ég þyrfti að ganga heim.

Á leið minni heim gekk ég fram hjá litlu veitingahúsi og lyktin af bökuðum
baunum var meiri en ég gat staðist.

Þar sem ég átti eftir að ganga nokkra kílómetra áður en ég næði heim
reiknaði ég það út að ég myndi ganga af mér þá kvilla sem fylgdu því að
borða bakaðar baunir áður en ég kæmi heim. Svo ég stoppaði á
veitingahúsinu og áður en ég vissi af hafði ég klárað þrjá stóra skammta af
bökuðum baunum.

Alla leiðina heim fullvissaði ég mig um að ég hefði losað mig við allt gas
sem fylgir slíkri græðgi.

Þegar heim var komið tók eiginmaður minn spenntur á móti mér og sagði:
“Ástin mín! Ég ætla að koma þér á óvart við kvöldverðarborðið.”

Hann batt síðan slæðu fyrir augun á mér og leiddi mig að stól við borðið.

Ég fékk mér sæti og rétt í því sem hann ætlar að leysa frá augunum á mér,
hringdi síminn.

Hann lét mig lofa því að ég myndi ekki kíkja fyrr en hann hefði afgreitt
símtalið og svo fór hann til þess að svara í símann.

Bökuðu baunirnar sem ég hafði innbyrt voru ennþá að hafa áhrif á mig og
þrýstingurinn var að verða óbærilegur. Svo að á meðan eiginmaðurinn var í
öðru herbergi notaði ég tækifærið, lét allan þunga minn hvíla á annarri
rasskinninni og hleypti einu skoti út.

Það var ekki eingöngu hátt heldur lyktaði það eins og gúanóverksmiðja.

Ég tók servíettuna úr kjöltu mér og notaði hana sem viftu.

Svo lyfti ég mér upp á hina kinnina og skaut þremur í viðbót. Lyktin var
verri en af soðnu káli.

Þessu hélt ég áfram í fimm mínútur í viðbót á meðan ég hlustaði
gaumgæfilega á samræðurnar sem fram fóru í hinu herberginu.
Ánægjan var ólýsanleg eða þar til kveðjuorðin í hinu herberginu bundu enda
á þetta frelsi mitt. Ég loftaði í flýti í kringum mig með servíettunni,
lagði hana síðan í kjöltu mér og kom höndunum fyrir ofan á henni og hugsaði
um hversu vel mér liði og hversu ánægð ég var með mig.

Andlit mitt hlýtur að hafa sýnt mynd sakleysis þegar eiginmaður minn kom
aftur og baðst afsökunar á því að hafa verið svona lengi í símanum.
Hann spurði mig hvort ég hefði nokkuð svindlað og kíkt en ég fullvissaði
hann um að það hefði ég ekki gert.
Þegar hér var komið sögu tók hann slæðuna frá augum mér og tólf
kvöldverðargestir sem sátu í kringum borðið hrópuðu:

“Til hamingju með afmælið!”

Það leið yfir mig!!!!!!!!!!!!!!!!!!

Mannakorn dagsins er að finna hér

 

Þér þekkið náð Drottins vors Jesú Krists. Hann gjörðist fátækur yðar vegna, þótt ríkur væri, til þess að þér auðguðust af fátækt hans.
2.Kor 8:9

Læt eina fylgja mér í dag:

Þakka þér Drottinn þennan dag

þú sérð göngu mína.

Mín þjónusta er þér í hag

- ég þig skal öllum sýna.

Guð blessi ykkur

Stebbinn

Lofa Drottinn sála mín

Drottin blessi ykkur og varðveiti

Já sitt sýnist hverjum með kveðskapinn hjá mér  og svo verður áfram en ég vona að einhver njóti vel.  Ég held ótrauður áfram þessari göngu og þó einhverjar brekkur verði á leið minni þá mun ég með hjálp Jesú fara létt yfir þær. 

Hér eru tvær til viðbótar auk þess sem ég hef lagað þær eldri eitthvað til. (þakka Kristjáni Hreinsyni fyrir aðstoðina)

Bakkus.

Herðum Bakkus bar mig á

og bjó til götur mínar

Guð minn þessa glötun

sá og gaf mér leiðir sínar

Náðargjafir

 

Frelsið, náðin fögur, blíð.

Fylgir Jesús okkur.

Drottin blessar land og lýð

svo lifir glaður flokkur.

 

 

Mannakorn fyrir daginn í dag er að finna hér

 

Styrkist nú í Drottni og í krafti máttar hans.
Ef 6:10

Guð blessi ykkur

Stebbinn

Þetta er dagurinn sem Drottin hefur gjört

Þetta er dagurinn sem Drottin hefur gjört enda er hann afar fagur á að sjá þó það sé kalt.  Í dag er ég í fínu formi enda nýkomin af Alfahelgi endurnærður á sál og líkama.  Nú er bara að halda sér í andlegu formi og iðka trúna.

Ég ætla að leyfa tveimur ljóðum til viðbótar að fljóta hér með, það er von mín að þessar línur hjálpi einhverjum að öðlast trú.

 Syndin

Syndin stýrði minni sál

Inn í myrkraverkið

Jesús greiddi mína náð

og leisti synda hlekki

 

Trúin

Trúna leiðir manni í

ótal ævintýri

Jesú Kristur tekur því

með kærleika og gleði

 

Mannakorn fyrir daginn í dag er að finna hér

 

Því þótt fjöllin færist úr stað og hálsarnir riði skal mín miskunnsemi við þig ekki færast úr stað og minn friðarsáttmáli ekki raskast, segir miskunnari þinn, Drottinn.
Jes 54:10

Guð blessi ykkur

Stebbinn

 

Alfahelgin og lof til Drottins.

Nú er Alfahelgin liðin og auðvita uppskáru allir sem þar voru ríkulega eins ávalt þegar andi Drottins fær að taka völdin.  Helgin tókst afar vel og tóku a.m.k átta manns við Jesú sem sínum persónulega frelsara. Það er frábært að fylgjast með fólki þegar það upplifir kraft Drottins og og því líkur munur á því.

Ég samdi nokkara vísur um helgina Guði til heiðurs ,  hér er sýnirshorn af því sem Drottin gaf að kveða ef kveðskap skuli kallast en þetta gleður mig. Ég er með það á hreinu að Drottinn gaf mér þennan kveðskap annað kemur ekki til greina. Þið megið endilega segja mér ef ykkur líst eitthvað á þetta hjá mér og líka ef ykkur líst ekki neitt á þetta

Náðin

Náðin leysir alla menn

Allt í Jesú nafni

Drottins orðið fyllir enn

Á  hjartans tómu bletti

Blessun

Drottin blessar alla þá

Sem við honum taka

Komdu nú og segðu já

hann mun með þér vaka.

 

Mannakorn dagsinn er að finna hér

En öllum þeim sem tóku við honum, gaf hann rétt til að verða Guðs börn.
Jóh 1:12

 

Guð blessi ykkur

Stebbinn

Léttur föstudagur

NÁMSKEIÐ FYRIR KARLA!!!

ALLIR VELKOMNIR
AÐEINS FYRIR KARLA
Athugasemd: námskeiðin eru flókin þannig að aðeins átta geta sótt
hvert námskeið

Hvert námskeið tekur tvo daga og efnið er eftirfarandi:
FYRRI DAGUR
HVERNIG Á AÐ FYLLA ÍSMOLAMÓT ?
Skref fyrir skref með   glærusýningu
KLÓSETTRÚLLUR VAXA ÞÆR Á KLÓSETTRÚLLUHALDARANUM? Hringborðsumræður
MUNURINN Á RUSLAFÖTUM OG GÓLFI
Æfingar með körfuefni (teikningar og módel)
DISKAR OG HNÍFAPÖR: FER ÞETTA
SJÁLFKRAFA Í VASKINN EÐA UPPÞVOTTAVÉLINA?
Pallborðsumræður nokkrir sérfræðingar
AÐ TAPA GETUNNI
Að missa fjarstýringuna til makans Stuðningshópar
LÆRA AÐ FINNA HLUTI
Byrja að leita á réttum stöðum í stað þess að snúa húsinu við gargandi Opin umræða
SEINNI DAGUR
TÓMAR MJÓLKURFERNUR; EIGA ÞÆR
AÐ VERA Í ÍSSKÁPNUM EÐA Í RUSLINU?
Hópvinna og  hlutverkaleikir
HEILSUVAKT; ÞAÐ ER EKKI HÆTTULEGT
HEILSUNNI AÐ GEFA HENNI BLÓM
PowerPoint kynning
SANNIR KARLMENN SPYRJA TIL VEGAR ÞEGAR ÞEIR VILLAST  
Sönn saga frá manninum sem spurði til vegar
ER ERFÐAFRÆÐILEGA ÓMÖGULEGT
AÐ SITJA ÞEGJANDI MEÐAN HÚN LEGGUR BÍL?
Ökuhermir
AÐ BÚA MEÐ FULLORÐNUM; GRUNDVALLARMUNUR Á ÞVÍ AÐ BÚA MEÐ MÖMMU ÞINNI   OG MAKA Fyrirlestur og hlutverkaleikir
HVERNIG Á AÐ FARA MEÐ EIGINKONUNNI Í BÚÐIR Slökunaræfingar,
hugleiðsla og öndunartækni
AÐ MUNA MIKILVÆGAR DAGSETNINGAR
OG AÐ HRINGJA ÞEGAR ÞÉR SEINKAR
Komdu með dagatalið þitt í tímann
AÐ LÆRA AÐ LIFA MEÐ ÞVÍ
AÐ HAFA ALLTAF RANGT FYRIR SÉR
Einstaklingsráðgjöf og samtöl

Mannakorn dagsins er að finna hér

Því að það var Guð, sem í Kristi sætti heiminn við sig, er hann tilreiknaði þeim ekki afbrot þeirra og fól oss að boða orð sáttargjörðarinnar.
2.Kor 5:19

Guð blessi ykkur alla daga

Stebbinn

Alfa fjallar um grundvallaratriði ....

Helgin framundan verður snillld, ég er á leið austur í fljótshlíð nánar tiltekið Kirkjulækjarkot.  Þar ætlum við að fjölmenna á Alfa helgi en hún er liður í Alfanámskeiði sem heldið er í Fíladelfíu.  Á  Alfa fræðumst við um grundvallaratriði kristinniar trúa.  Ég hef farið átta sinnum á Alfa einu sinni sem nemandi og sjö sinnum sem leiðbeinandi.  Ég upplifði mikla lausn inn í mitt líf á Alfa og ég hef orðið vitni að mörgum kraftaverkum í lífi margra annara sem sótt hafa námskeiðið. 

Annars er allt gott að frétta ég er að hugsa um að kaupa mér fellihýsi er búin að finna eitt sem ég kaupi sennilega, það er komin ferðahugur  (já það er klikkun að vera að skoða svona dæmi um hávetur) Trausti vinur minn ætlar að kaupa af mér Víkínginn þannig að við ættum að geta ferðast saman í sumar. 

Golfið er líka farið að kítla mig ég er byrjaður að æfa sveifluna og stefni að því að bæta árangurinn.  Ég er núna með 19.9 í forgjöf og stefni að því að ná mér niður í 16,0 í sumar. Er að pæla í því að skella mér erlendis að spila sennilega til Bretlands en það vantar ferðafélaga, við erum tveir en best er að vera fjórir í hóp.

ps. sorry búin að vera latur að skrifa, skal bæta mig, ekki hætta að skoða síðuna

 Mannakorn dagsins er að finna hér

 Ég veit, að lausnari minn lifir, og hann mun síðastur ganga fram á foldu.
Job 19:25

Guð blessi ykkur

Stebbinn

Fyrirgefðu Silvía Nótt og til hamingju Sveinn Rúnar

Ég var á eurovision hátðiðinni á laugardaginn var að vinna við dyravörslu fyrir hönd HSSR með vini mínum Magga sem þar er aðalmaðurinn, það kom mér á óvart hversu nöturlegt húsnæðið var sem skipuleggjendur buðu upp á. Ég veit svo sem að ekki er endilega við þá að sakast því ekki eru margir staðir sem bjóða upp á aðstöðu sem þarf í svona lagað.

Ég rakst á Silvíu Nótt en hún skemmti á svæðinu, ég seti mig í stellingar enda er ég ekki aðdáandi númer eitt. Ég hef hreinlega ekki skilið upp né niður í því hvernig leikonan (karakterinn) hefur komið fram með því að ráðast á aðra og upphefja sig sjálfa.  En ég fékk smá móral þegar ég heyrði hana skipuleggja sitt lið til inngöngu inn á sviðið, en þar hvað við annan tón en ég hef fengið að heyra frá henni.  Silvía ég vona að nú séu betri tímar í vændum og að þú sér búin að breyta kararternum í takt almenna siðfræði og umgengnisvenjur.  Ég bið þið fyrigefningar á því að ég dæmdi þig hart og ég hvet þig til að skipuleggja þinn kararter vel og vandlega svo við getum öll verið stolt af Silvíu Nótt.

Ég óska Sveini Rúnari og Eiríki Hauks til hamingju með árangurinn ég hef mikla trú á þessu framlagi Íslands.  Ég er líka eftir að hafa horft á Kastljósið í gær ánægður með okkar mann, ég hef löngum verið aðdáandi Eiríks alveg síðan ég hélt mikið upp á Start.  Nú er bara að sameinast bakvið þetta atriði og vona að góður árangur náist.

Mannakorn dagsinn er að finna hér

Verið með sama hugarfari sem Jesús Kristur var.
Fil 2:5

Guð blessi ykkur

Stebbinn

Létt grín á föstudegi.

Ég hef ákveðið að bloggið á föstudögum ætla ég að nota til að birta góða brandara hér er sá fyrsti.

Jónas er staddur í búningsherbergi á flottum líkamsræktarstað eftir strangar, en góðar æfingar til að ná af sér jólamatnum. Allt í einu hringir farsíminn og Jónas tekur hann upp og svarar. "Halló?"

"Halló elskan, þetta er ég. Ertu í ræktinni?"

"Já."

 "Frábært! Ég er í Kringlunni. Ég sá þennan æðislega pels hjá honum Eggert.Alveg draumur!! Má ég kaupa hann?"

 "Hvað kostar hann?"

 "Bara eina og hálfa milljón."

"Nú, kauptu hann þá ef hann er svona flottur."

"En, ég stoppaði við í umboðinu og skoðaði 2007módelið af Benz. Þeiráttu akkúrat litinn sem mig langar svo í. Ég talaði við sölumanninn og hann er tilbúinn að láta okkur hafa hann á góðu verði og hann ætlar líka að taka Bimmann uppí sem við keptum í fyrra."

 "Hvaða verð bauð hann?"

 "Ekki nema sex milljónir!"

 "Allt í lagi. En fyrir það verð vil ég fá alla aukahlutina með!"

 "Frábært! Heyrðu, áður en þú leggur á, þá er dálítið annað."

"Hvað?"

"Þetta hljómar kannski mikið, en ég var að gera upp baknareikningana eftir áramótin og svo fór ég að hitta fasteignasalann og húsið sem við skoðuðum í fyrra, þarna á Arnarnesinu, með sundlauginni, stóra verðlaunagarðinum er til sölu..."

"Hvað vill hann fá fyrir það?"

"Bara 197 millur. Frábært verð. Og ég komst að því að við eigum fyrir því ef við seljum öll verðbréfin!"

"Jæja, allt í lagi, en ekki bjóða meira en 189 milljónir, Ókei?"

"Ókey, elskan. Takk elskan mín! Sjáumst á eftir!! Ég elska þig !!!

Jónas laggði á, lokaði símanum og lyfti honum svo upp og sagði við hina mennina "Veit einhver hver á þennan síma?"

Mannakorn dagsins er að fynna hér

Ég er dyrnar. Sá sem kemur inn um mig, mun frelsast, og hann mun ganga inn og út og finna haga.
Jóh 10:9

Guð blessi ykkur

Stebbinn

Fínn dagur

Allt í góðum málum í dag, ég er á fullu í ræktinni og bara mjög ánægður með það. Það vantar reyndar svolítið upp á að árangurinn láti sjá sig en ég verð bara að vona að hann fari að láta sjá sig.  Einnig vill ég biðja ykkur um að hjálpa mér að koma honum Trausta af stað í ræktina hann er eitthvað svo tregur í taumi þið kannski hvetjið hann til dáða.  (hann hefur gott af því og ég vill hafa hann með mér)

 

Ég ligg enn undir feld með þetta skipulag á verkefnunum ég trúi því að ég finni góða lausn án þess að sleppa nokkru enda altl mjög mikilvæg skilurðu. Ég hef svo sem ekki fengið neinar tillögur fá ykkur varðandi málið enda alfarið í mínum verkahring að finna góða lausn og hún kemur með Guðs hjálp.

 

Mannakorn dagsins er að finna hér

Guði séu þakkir, sem gefur oss sigurinn fyrir Drottin vorn Jesú Krist!
1.Kor 15:57  

Guð blessi ykkur

Stebbinn

Allt er leyfilegt en ekki er allt gagnlegt.

Jæja kallinn er bara að verða hress eftir dimma dalinn,  þökk sé Guði og svo megið þið sem uppörvuðuð mig  fá smá af þökkunum, nei nei þúsund þakkir auðvitað. Annars er ég voðalega mikið að pæla í því þessa dagana hvernig ég er búin að hlaða dagskrárliðum inn í mitt líf, það er  komið of mikið held ég. 

Nú þegar ég er komin á þá skoðun að ég sé að gera of mikið þá er ekki úr vegi að skoða hvort ég geti skorið niður og það skal ég segja ykkur það verður ekki auðvelt verk en ég verð að reyna. En byrjum á því að kortleggja þetta, sjáum nú til,

Ég er í Fíladelfíu  fer á samkonur kl. 16:30 sunnudögum  (þú ert velkominn) og fleira tengt Fíló s.s bænahópur, ég er í ræktinni 5 x á viku, ég vinn hjá RUV ohf alla vikra daga, ég er í AA  hef sett mér að mæta þrisvar í viku þar (en geri ekki), ég hjálpa til í Uniku (aukavinna) misjafnt hvað það er oft í mánuði en þetta er þó nokkur vinna, ég starfa á Alfa einu sinni í viku,  ég er samkomuþjónn fimmtu hverja helgi, ég er líka með smáverkefni fyrir Samhjálp ásamt Guðna Má og Villa Svan (leyndó),ég hef verið í starfsmannahópi þeim sem kemur að Kotmótum, ég er í golftímum og svo í golfi á sumrinn, ég er í samkvæmisdönsum, ég á þrjú börn sem ég þarf að sinna betur, ég á konu sem vill eiga samfélag við mig og ég við hana, við eigum heimili sem þarf að þrífa og viðhalda, við eigum tvo bíla sem þarf að þrífa, svo eigum við tvo hunda sem þarf að hreyfa, svo er það fjölskyndan og vinirnir, huga að reikningunum, það er örugglega eitthvað sem ég gleymi en þá bæti ég þvi við síðar. 

Svo vil ég geta hjálpað vini mínum honum Magga hann er að vinna að skemmtilegu verkefni og ég hef lofað að hjálpa.  En ég þar ekki að eyða tíma í að drekka áfengi né reykja :)

Ég ætla nú að lofa mér því að ég ætla að skipuleggja mig betur og sjá hvort ekki megi laga þetta aðeins til.  Ef þú er með tillögu handa mér þá er hún vel þegin og ég lofa að  skoða hana vel og meta, ekki bara henda henni frá mér. 

Hér er að finna mannakorn dagsins

Ef vér játum syndir vorar, þá er hann trúr og réttlátur, svo að hann fyrirgefur oss syndirnar og hreinsar oss af öllu ranglæti.
1 Jóh 1:9

Guð blessi ykkur

Stebbinn